الرئيسية التسجيل التحكم اتصل بنا التحميل الخروج
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
















.. [ ملحق العيال ] .. تم اغلاق القسم !

الإهداءات
مغامر من البديعة : أبارك لجميع الأعضاء بمناسبة عيد الفطر المبارك 1441هـ وعساكم من عواده     bo7 من عزااااااه : اخر دخول لي كان عام 2011 اشهد ان السنين تعدي 🤕😣     الملكع من السعودية : السلام عليكم ..كيفكم .. هو في احد والا لا     عبدالله من K.S.A : كل عام وأنتم بخير .. مكسام 1438 هـ / 2017     بدون عنوان من الرياض : اشتقنا لكم كل عام وانتم بخير ... رمضان 24 / 1438     من أنا؟ من ،، : صباح الخير ،، وش أخباركم ،، ماتوقعت أنه فيه أحد داخل     جني متحني من بوبوديولاسو :     ™кәήąi من الرياض : السلام عليكم، إن شاء الله انكم بخير وين ما كنتم، ممتنه لكم جميعًا، في هالمكان تشكّل جزء كبييير من شخصيتي و لكم الفضل بعد الله في ذلك ...     مُجرد طيف من :( : مبارك عليكم الشهر يا اجمل صحبه وأجمل فتره :(     خبآطش من :( : مبارك عليكم الشهر.. انا احبكم     الحلم الكبير من غرفتي : ‏مبارك عليكم شهر رمضان، و اسأل الله أن يتقبل منا ومنكم صالح الأعمال ، و يجعلنا من صوامه و قوامه     من أنا؟ من ،، : مبارك عليكم الشهر أنا ودي أرجع بس مب راضي يدخلني     S O M A H من الصاله : مبارك عليكم الشهر ، ويالله اصملوا فيه رجعه ومسابقه ولا لا     مسّفهل من : إذا واجهتكم أي مشكلة بتسجيل الدخول ، راسلونا على الايميل mksam.com@gmail.com     مُجرد طيف من الخبر : خلاص ارجعو!! ترا دايما ادخل اشيّك !! بسوي مسابقه ارجعو : (     جفووون من الملحق : نبي نررررررجع تكفووووون     جفووون من الرياض : قسم بالله ادخل وتخنقني العبره واطلع     مُجرد طيف من :( : اي نبي نرجع     مسّفهل من منسدح في البخشة : حيا الله شعب مكسام العظيم ، قريت الكومينتات وحسيت بكل كلمة كتبتوها ، اشتقنا لايام مكسام ، ودكم نرجع ؟ ..     الحلم الكبير من ☆ : اشتقتلكم وقسم    

 
 
أدوات الموضوع انواع عرض الموضوع
قديم 04-05-2008, 11:46 PM   #1
F.B.I
.

 
الصورة الرمزية F.B.I
 
تاريخ التسجيل: Nov 2005
المشاركات: 8,509
معدل تقييم المستوى: 0
F.B.I توه جديد
آخـر مواضيعي
افتراضي ماودك تعرس ؟


السلام عليكم
مساكم الله بالخ ـير
مع ان الوقت الحين حول الصبح ..
لكن اح ـب الليل .. << يعلمكم من الحين انه رومنسي

اليـوم نقاشنـا عن العرس ..
ووش رايكم كل اسبوع
كل واحد يجيب لنـا سالفة نتناقش فيهـا
.. وش يدريكم يمكن نطلع بـ فايده صدقيه ؟!
مع اني ما اظنـه بس ليه لا

ع ـاد اليوم بنتكلم في العرس
من وده يعرس ؟ .. كلكم رفعتوا ايديكم
طيب هل انت جاهز لـ العرسسس ..؟

الح ـين نشوف هالتمثليـات ، وتطف قلوبنـا لـ العرس
نغير القنـاه ، نلقى برنامج " مشاكل زوجيه "
ولا " مستشاااااارك " <<< يقطع بليسي مغببببببببر

الا صدق شباب من يعرف وش صار على جاسم العثمان ؟
هو اسمه كذا ولا عثمان الجاسم ؟ المذيع حق مستشارك ؟
اعرس ولا توه ؟

المهم نرجع
تفتح القناه الثانيه وتلقى برنامج لـ الاستشارات العائلية
مدري المشاكل الزوجـيه ..

وتسمع ذيك المتصله اللي تشكـي حالتهــا
زوجي تعامله معي سيء .. ومدري ايــــــــــــش

شوي يدق رجال تعييييييس وكاره الدنيـــا
وولو يعطونه مجال تسـان لعن في زوجـــته

زوجتي ماتفهمني ، زوجتي طلباتها كثييييييييره
زوجتي ما تحب اهلي !! .. وامي ما تفاهمت مع زوجتي !!
ومن هالكلاااااام اللي مغير نسمعه

تجي لـ الواقع ، وتشوف وتسمع مشاكل البيووت !
بس ماش الى الان مصر وودك تعرس !!

يـع ـني ماقد شفنـا برنامج " سعاده عائليه "
ولا " علمنـا طرق سعادتك الزوجيه " ^_^

يعني قد شفتوا متصله تقول زوجي وش زييييييييين معاملته لي
ولا رجال يدق ويقول ماشفت من زوجتي الا كل خيييييييييييييييير ؟!!


جد الوضع متأزم ، يعني البنـات اللي مابعد اعرسوا ..
يمكن يجيهم ردة فعل .. وليه البنات بس حتـى حنـا يالعيال ..
بس بيني وبينكم انا الى الان ماجتنـي ردة هالفعل
ولا كان مانزلت الموضوع

المهم ، نبي نتناقش
وش رايكـ بالعرس ؟
هل فيه مشاكل ؟
ولا ان الاعلام وهالعالم مضخمينهــــــــا

هل مره قابلت شاب توه معرس
ومدح لك الزواج ؟ ، ولا قال لك خلها على ربك بس !!
وكأنه يلمح انه متحسف !

طيب هل العرس بيحرمك من الطلعات والروحااااااات
وبتكون مرتبط ؟!! ، على قولتهم القفص الذهبي

طيب وش رايككم بالعرس هاليومين
هل بتقدر تغطي تكاليفه ؟؟؟
ولا مايمدينييييييييييييي

بـ نظرك ومن مجتمممممممعك
كم يكلف العرس عندكم ؟
يعني المهر والتكاليف كلهـــا ؟؟

وابرجع ان شاء الله عقب ما اشوف تفاعلكم
علشان اشاركككم النقااااااااااااش


سلام

[ ترى نصي نايم ، لذلك لا تشرهوون ابد ابد ]
F.B.I غير متواجد حالياً  
قديم 04-06-2008, 12:40 AM   #2
.. reَd buَll ..
.. [ النـُِِـآزيـِة ] ..

 
الصورة الرمزية .. reَd buَll ..
افتراضي

هــلا هــلا ..

وش عندهــا فـوزيــه الدريــع

عـ الطــاري .. تـراهـِ اليـوم يجــي ..

تصــدق انـه فـله .؟. فيــه فقــره لـ فوق الـ 16 سنــه ..

وحدهـِ تدق و تســأل سؤال أنــا أستحــي أسـئـله لـ خـويـي

يــآ لبــى قـلب سيــرهـِ الحــب يــآ شيـــخ



اقتباس:
اليـوم نقاشنـا عن العرس ..
ووش رايكم كل اسبوع
كل واحد يجيب لنـا سالفة نتناقش فيهـا
.. وش يدريكم يمكن نطلع بـ فايده صدقيه ؟!
مع اني ما اظنـه بس ليه لا
وش دراك .؟. لا تكــون نظـرتك للـ حيــآهـِ سلبيــه ..

وش يدريــك .. يمكــن يكــون بيننــا [ خطــآبـه ] .. تشـوف مـواصفـات زوجـه الأحــلام .. وتجيبهــا لك



اقتباس:
ع ـاد اليوم بنتكلم في العرس
من وده يعرس ؟ .. كلكم رفعتوا ايديكم
السؤال المفـروض يكــون :

مـن مـأ ودهـِ يعــرس



اقتباس:
الا صدق شباب من يعرف وش صار على جاسم العثمان ؟
هو اسمه كذا ولا عثمان الجاسم ؟ المذيع حق مستشارك ؟
اعرس ولا توه ؟
مــدري ..

بس شكلــه معقــد .. من هـ الحــريم اللي يدقــون عليــه


اقتباس:
يعني قد شفتوا متصله تقول زوجي وش زييييييييين معاملته لي
ولا رجال يدق ويقول ماشفت من زوجتي الا كل خيييييييييييييييير ؟!!
من خــلال خبرتـي في [ أمــوِر طلــب بنــات النــاس ] يعنـي خطــابه

أقدر أقـول لك انـه اللي مستــانسـه مـع رجـلهـا .. وتشـوف بـرنـامج زي كذا ..

عـلى طول تنحــآم تسـبدهــا وتغيــر ..!!

اقتباس:
وش رايكـ بالعرس ؟
10/10

اقتباس:
هل فيه مشاكل ؟
ولا ان الاعلام وهالعالم مضخمينهــــــــا
والله فيــه مشــاكل ..

بس ممـكن انهـا تمــر .. عــلى حســب الشريكيــن .. يعنـي اذا كـانوا طيـور شلوى .. عدت سليمــه

أمــا يجيــك الرجــال .. همــه [ استـراحـه ] مـع أخويــاه .. والمـرهـٍ [ سربتـــه ] فـ هـ الأســواق فـ يقشـرون بصـل أزيــن لهــم من الزواج


اقتباس:
هل مره قابلت شاب توه معرس
ومدح لك الزواج ؟ ، ولا قال لك خلها على ربك بس !!
وكأنه يلمح انه متحسف !
شــف .. انــا واحد"ن" يعــز عـلي ..

مب نــادم .. بس كــانت أخــلاقـه نعــال ..

فـ قعــد يتـأزم عـندي .. بـ المشــاغل .. والدوام .. و بنــاته .. و أم البنــات ..

عــاد انا مـدري .. اذا كـانت [ حــآله غضـب ] وتعدي,, ولا انـه الموضوع دايــم كذا .؟.


اقتباس:
طيب هل العرس بيحرمك من الطلعات والروحااااااات
وبتكون مرتبط ؟!! ، على قولتهم القفص الذهبي
فـ بدايــه الأيــام .. يبيــلك تظبط عمــرك ..

يعنــي بدال مــا تدشــر انـت و أخويــاك أربـع ســآعـات .. ادشـر سـاعه ونـص .. هـه ..


اقتباس:
طيب وش رايككم بالعرس هاليومين
هل بتقدر تغطي تكاليفه ؟؟؟
ولا مايمدينييييييييييييي
ويــــن .!! بدري عـ الزواج


اقتباس:
بـ نظرك ومن مجتمممممممعك
كم يكلف العرس عندكم ؟
يعني المهر والتكاليف كلهـــا ؟؟

حـتـى المهــر زاد .. مــع زيــادهـِ الرواتـــب

والله المهــر والتكــاليــف .. يبيـلهــا .. شـي وشويــآت .. هـذا اذا كــان أبـو بنت الحــلال ,, حبيــب ,,

أمــا اذا كــان [ حظـــرمي ] .. فـ أقتــرح انــك تقشــر بصــل أزيــن لـك



و موضووعــك تـــوب التـــوب ..

لــولا الحيــا انــك مــديـر ,, كــان حطيتــك سمعــه
.. reَd buَll .. غير متواجد حالياً  
قديم 04-06-2008, 12:51 AM   #3
F.B.I
.

 
الصورة الرمزية F.B.I
 
تاريخ التسجيل: Nov 2005
المشاركات: 8,509
معدل تقييم المستوى: 0
F.B.I توه جديد
آخـر مواضيعي
افتراضي


حط لـي ، ياخي ماتشوفهـا [ سالب 14 ]
هـي ، لاتحسب احد معطيني سمعة سيئة !
بس غلط برمجـي ^_^

نج ـي لـ التع ـليق عليـك : )
كلامك منطقي ، وخويك اللي تمون عليـه
ليتك تسئله من جديد .. وعادي لو تقوله
واحد اعرفه يسئل عن الزواج ..؟
علشان نتأكد هل كان يمر بـ ازمـه وعدت
ولا فعلا الزواج كله ازمـــــــــــــــات ..!

اقتباس:
ويــــن .!! بدري عـ الزواج
ميخ ـالف كلنـا بدري ، بس ودنـا نضبط امورنـا من الحيـن !

ماقلت لنـا كم تكلفـة العرس ؟ رقمـاً !
حتى لو كان تقريبي .. يعني موب عرسك
اي عرس تحسبه عطنـا كم ..

ارخص نـاس بخطب منهـم ^_^

خلاصة كلامـك ، متى ماكان الزوجين متفاهمين
فـ الامور ماشيـه ، اما حرمه قبلها طالعه والرجال قبله سربته
فـ يقشرون بصل : ) ..

ماقصرت الله يعافيـك ، رد ولا اجمل
وننتظر تكلمــته : )
F.B.I غير متواجد حالياً  
قديم 04-06-2008, 01:36 AM   #4
عبدالله
زمان يافن !

 
الصورة الرمزية عبدالله
افتراضي

أول شئ / السلام عليكم ورحمه الله وبركاته/

مساكم الله بالخير وبالمبارك فتحة القسم اللي باللعنة انفتح

^ ^ ^

رحمت الشباب تقول مقدمين على قرض < وش عندهـ

والله أنت جبت طاري العرس , أبو أف بيني وبينك قريت عنوان

الموضوع وجيت بدخل وعيا يدخلني

وتحمست أرسلت لمكسرات إلا تفتحينه الحين وماقصرت والله

شف المهر أقل شئ 50000 ألف ريال ياباني

يبيلك تأثيث البيت أو شقة الأحلام قل 0000 3ألف بالمتوسط

ومدري عندي قناعة يمكن يستغرب البعض منها

ماودي أخطب من الرياض ودي أخطب من ذا القرايا

شمــــــــــــــال

ولو الواحد يكلم خطيبته وقت الخطبة بكثرة عشان يفهمون بعض

أكثر < لاحظ قلت يكلمها مهوب يطلع معها

وبس ... وإذا فيه استفسار ثاني المهندس الشيف قيم أوفر يستقبل استشاراتكم

على موضوع أبو أف اللي في قسم الشباب < داري أنواع البثارة بس مسكت معي

يالله سلام وتشكرات أبو أف دل دايم اطرح مواضيع مثل كذا عشان تشوف تفاعل
عبدالله غير متواجد حالياً  
قديم 04-06-2008, 01:48 AM   #5
ҳ شموووخ ҳ
ҳ كِـبـريـاًء رجُـل ҳ

 
الصورة الرمزية ҳ شموووخ ҳ
افتراضي

أبو إف كأنك تدري بما يحوم في عقلي

عاد شوووف ,, مافي أروع من الزواج والحلال !!

لكـن عندنا ناس هنا عقولهم ياربي لـك الحمد ,,

يكسر ظهرك بـ مهر إنما إيش يخليك تتسلف وتتهجول ,,

ياخي وش جابرك تأخذ بنت بـ 70 ألف وفوق !!

لاتنسـى وراك تأثيث وراك مصاريـف

لا جيت للصدق كنت خاطب بس ربي ماكتب ,,

المهر كان شي بسيط !!

وأهم شي الأخلاق والنسب ,, وحب الوطـن !!
ҳ شموووخ ҳ غير متواجد حالياً  
قديم 04-06-2008, 10:03 AM   #6
خبآطش
i7alm
 
الصورة الرمزية خبآطش
افتراضي

ايييييـه يالزوآآآج <---

موضوع جميـل .. و طرح جريء .. من احسـن مدير بالعالـم

شف رايي بصراحه ان الزواج المبكـر الان صار [ غير ممكن ] ابدآ ؟

و السبـب ان [ اغلـب ] الشباب اتكالييـن و يعتمـدون على غيرهـم !!

و انا اشوف ان السن المناسب للزواج من 26 و فـوق !!


اقتباس:
ووش رايكم كل اسبوع
كل واحد يجيب لنـا سالفة نتناقش فيهـا
.. وش يدريكم يمكن نطلع بـ فايده صدقيه ؟!
انا مؤويـد لـ هالفكـره ..!

اقتباس:
عطيب هل انت جاهز لـ العرسسس ..؟
كلا البتـه


اقتباس:
الا صدق شباب من يعرف وش صار على جاسم العثمان ؟
هو اسمه كذا ولا عثمان الجاسم ؟ المذيع حق مستشارك ؟
اعرس ولا توه ؟
جاسم العثمـان .. و الله مذيـع رائـع بكل صراحـه مع انه له فوق السنتين غايب ؟؟!

اما عن سالفـة زواجـه .. اذا صرت امـه ذيك الحزه بعلمك


اقتباس:
يعني قد شفتوا متصله تقول زوجي وش زييييييييين معاملته لي
ولا رجال يدق ويقول ماشفت من زوجتي الا كل خيييييييييييييييير ؟!!
العيـن منتشـره و النـاس مب ناقصـه


اقتباس:
وش رايكـ بالعرس ؟
هل فيه مشاكل ؟
ولا ان الاعلام وهالعالم مضخمينهــــــــا
اعتقـد ان الاعلام ضخم الامـر ..!

و المشاكـل امر ضروري في الحياة الزوجيـه و لكن العاقـل من يعرف يتصرف مع هالمشاكـل





اقتباس:
بـ نظرك ومن مجتمممممممعك
كم يكلف العرس عندكم ؟
يعني المهر والتكاليف كلهـــا ؟؟
و الله مدلري بالضبـط كم لكـن بأحاول اقرب :

70 الف مهـر + 40 الـف تكاليف القاعـه + 30 الف شهر عسـل + 100 الف تاجيـر و تأثيث ..!

يعنـي تقريبـا [ 240 ] الـف


ابـوف .. و الله استمتعـت بالموضوع
خبآطش غير متواجد حالياً  
قديم 04-06-2008, 01:39 PM   #7
سديراوي
- RAKAN BiN H -

 
الصورة الرمزية سديراوي
افتراضي

اقتباس:
30 الف شهر عسـل
ولـد عمـي انت وين بتوديهـا بـ الضبـط ..؟

اشك لو بتوديهــا لـ [ الدمـام ] على هـ الـثـلاثين اللي تقول عـليهــا تفلوا فـي وجـهك ..!

ان جــاب [ 70 ] يـحب يدهـ .. مـقلووبه بـعد !


لي بـآآآتس مع موضوعـكم الخونفشـآآري !
__________________
* غــداً , آجمَـلْ .. : )
سديراوي غير متواجد حالياً  
قديم 04-06-2008, 02:20 PM   #8
][صـٌوٍرٍطـُـَ‘ـعآنـُه-1-][
x زيـتـونـهـ x

 
الصورة الرمزية ][صـٌوٍرٍطـُـَ‘ـعآنـُه-1-][
 
تاريخ التسجيل: Apr 2008
الدولة: منتهيه
المشاركات: 308
معدل تقييم المستوى: 670
][صـٌوٍرٍطـُـَ‘ـعآنـُه-1-][ عضـو فعال
آخـر مواضيعي
افتراضي

شف طال عمركـ



ودي اعرس


بس مسيآر


بلا وجع راس : )


واذا طال عمرك صك عمركـ 30 وعليها رح اعرس زي العالم والناس اما انك تعرس الحين

والله بتكون توك اي شي يرفع ضغطك وترجع البيت تلقها ماكوت ثوبك ولا ما كوت شماغك تروح تقولها


انتي .. طآلق ..


وليه .. عشان نرفزه بسيطه انا صراحه ماشجع على الزواج بدري


وهذا رايي
][صـٌوٍرٍطـُـَ‘ـعآنـُه-1-][ غير متواجد حالياً  
قديم 04-06-2008, 02:31 PM   #9
ם‎ـl םـثـlـيl ‎בـــב
ĹεεŦқ mЗЎ ะ }

 
الصورة الرمزية ם‎ـl םـثـlـيl ‎בـــב
افتراضي

بالله تكـلمـون ج ـد

مـن يفـكر بالزوآجـ ..

بس والله آبي آع ـرس بس بـدون ع ـيـآل مـآ آبي وجع رآس والله..

والله آحيآنـآ آشوف آبـوي وآقول الله يع ـينكـ علينـآ...
ם‎ـl םـثـlـيl ‎בـــב غير متواجد حالياً  
قديم 04-06-2008, 06:20 PM   #10
أبو صعفق المحترم
ع ـالم من الفهاوه

 
الصورة الرمزية أبو صعفق المحترم
افتراضي

موضوع نقاش حلو زي وجهه قيم ..}

على طاري قيم عوداً حميداً

تمنيت بهاللحظة أنك أبوي وتعرض علي سالفة الزواج وأنا أنزل رأسي وأستحي

من ناحية الزواج المبكر .. والله أنه رهيب

يأخي يكفي أنه بيخفف الجرايم وشغل الخنبقة ومثل ما أنتم خابرين

بس أن بغيت الجد في هالوقت يوصل الولد لـ
( 20 ) وتحس أنه توه بزر

مايعرف مصلحت نفسه ومثل هالوجيه ودك مايتزوج عشان مايورط بنت الحلال


اقتباس:
هل فيه مشاكل ؟
هي خلها تجي وبعدين نتفاهم هل بيكون هناك مشاكل أو لا

اقتباس:
بـ نظرك ومن مجتمممممممعك
كم يكلف العرس عندكم ؟
يعني المهر والتكاليف كلهـــا ؟؟
أحياناً تصقع ( 100 ) ألف .. طبعاً مهر وتأثيث و عرس و كل شي

اقتباس:
يعني قد شفتوا متصله تقول زوجي وش زييييييييين معاملته لي
ولا رجال يدق ويقول ماشفت من زوجتي الا كل خيييييييييييييييير ؟!!
المره طماعه والرجال عبيط
أبو صعفق المحترم غير متواجد حالياً  
 

مواقع النشر (المفضلة)

الكلمات الدلالية (Tags)
ماودك , تعرس , ؟


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:14 PM.


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir