الرئيسية التسجيل التحكم اتصل بنا التحميل الخروج
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
















زركشة موآضيعنــــآ هنا تنسق موضوعك وتضبطه على كيف كيفك !

الإهداءات
مغامر من البديعة : أبارك لجميع الأعضاء بمناسبة عيد الفطر المبارك 1441هـ وعساكم من عواده     bo7 من عزااااااه : اخر دخول لي كان عام 2011 اشهد ان السنين تعدي 🤕😣     الملكع من السعودية : السلام عليكم ..كيفكم .. هو في احد والا لا     عبدالله من K.S.A : كل عام وأنتم بخير .. مكسام 1438 هـ / 2017     بدون عنوان من الرياض : اشتقنا لكم كل عام وانتم بخير ... رمضان 24 / 1438     من أنا؟ من ،، : صباح الخير ،، وش أخباركم ،، ماتوقعت أنه فيه أحد داخل     جني متحني من بوبوديولاسو :     ™кәήąi من الرياض : السلام عليكم، إن شاء الله انكم بخير وين ما كنتم، ممتنه لكم جميعًا، في هالمكان تشكّل جزء كبييير من شخصيتي و لكم الفضل بعد الله في ذلك ...     مُجرد طيف من :( : مبارك عليكم الشهر يا اجمل صحبه وأجمل فتره :(     خبآطش من :( : مبارك عليكم الشهر.. انا احبكم     الحلم الكبير من غرفتي : ‏مبارك عليكم شهر رمضان، و اسأل الله أن يتقبل منا ومنكم صالح الأعمال ، و يجعلنا من صوامه و قوامه     من أنا؟ من ،، : مبارك عليكم الشهر أنا ودي أرجع بس مب راضي يدخلني     S O M A H من الصاله : مبارك عليكم الشهر ، ويالله اصملوا فيه رجعه ومسابقه ولا لا     مسّفهل من : إذا واجهتكم أي مشكلة بتسجيل الدخول ، راسلونا على الايميل mksam.com@gmail.com     مُجرد طيف من الخبر : خلاص ارجعو!! ترا دايما ادخل اشيّك !! بسوي مسابقه ارجعو : (     جفووون من الملحق : نبي نررررررجع تكفووووون     جفووون من الرياض : قسم بالله ادخل وتخنقني العبره واطلع     مُجرد طيف من :( : اي نبي نرجع     مسّفهل من منسدح في البخشة : حيا الله شعب مكسام العظيم ، قريت الكومينتات وحسيت بكل كلمة كتبتوها ، اشتقنا لايام مكسام ، ودكم نرجع ؟ ..     الحلم الكبير من ☆ : اشتقتلكم وقسم    

إضافة رد
 
أدوات الموضوع إبحث في الموضوع انواع عرض الموضوع
قديم 02-26-2011, 11:17 PM   #1
ΤБήіЅΗ
يً رب .. :s

 
الصورة الرمزية ΤБήіЅΗ
افتراضي : $

.
.

بسم الله الرحمن الرحيم

.
السلام عليكم ورحمة الله وبركاته

.
جمعنا الغفير .. \ حشدنا الكبير
مكاننا اللي مليان مرررهـ فيكم

.
الله حيهّم .. وبيهم وكل شي زين جبه لهم
عاد لازم الحياة تكون تقلّبات كذا لكن لاتقلب
تقلّبات ل الاشين ( كل يوم ) يلعن ام الحاله اللي ب تجيك !

.
ايوهـ .. ايوهـ .. خلوني اتزكرش
و ( اتميلح ) قدام المرايه شوي !!
ي ً جمـاعه عندكم موهبه هِنـا ..
كسّرت روس ماتكسّر ب البلاي ستيشن تحديداً ( Pes2011 ) !!
طبعـاً هـ البطل الخرافي الكويس يبقى على الجميع ماعدا انا
لاني انا ( مُدرسه ) و ( مُعلمه ) والمُدرس فايدته يشيد ب اداء طلابه
ههههههههههه والله ي ً اكلتك اكل ي ً حلو !!
.
طبعـاً القصه باديه من زمان ومادريت عنهـا
يمكن انه ( خايف ) يقول انه دخل هـ المٌسابقه !!
لكن جابها ب الاخير وكل ( ن) درا
بطل البلاي ستيشن حبيُبنا ومُديرنا ورفيقنا وكل شي
( مستر زاحف , إبرا , مسفهل )
ب كل هـ الاسامي نشوف اسم ( ابراهيم ومرزوز جنب اسمه " نجمه " )
هـ النجمه تفيد انه كسب بطوله يعني
وش زود الانتر , البارشا والطقه يعني
.
كيف ب تكلم ايـه .. ايـه بس بس ذكرت !!
السـاعه 12 الظهر طالع من المٌحاضرهـ
و ( مفهي ) وانزل تحت والقى ( أُمة الثقلين ) جالسين يتفرجون
قلت ي ً حمد شف وش يسوون طبعاً عرق اللقافه اشتغل
وانزل والقى ناس تلعب قلت عسى ماشر
وشاشه ماقد عمري شفتها انحطت هـ اليوم
احسهم متقطعه قلوبهم على هـ الشاشه
واحس ان العميد يدعي ربه ي رب مايجيها شي
و" بلاي ستيشن 3 " احس انه ب الدور كل يوم واحد يجيب حقه !!
.
عاد ب كون صريح انا يوم اشوف النتيجه شفت اللي جالسين يلعبون
واناظر هو ( إبراهيم ؟ ) .. واناظر وكانت على ماشافت عيني
بين ( ميلان , برشلونه ) وكان مهزوم وقتها ابراهيم على حسب ماشافته عيني
.
ول الاسف حوم كبدي واقول مهزوم هـ المسكين
واطلع واركب موتري وقلت مالك الا اسلوب النرفزهـ
وصكه ب ( رسالة ) .. وهذي هي الرسـاله


.
ويرد علي ب ( اتصال ) ويحلف ويحتسي انه فاز
وقلت ماعليه يمكن اني ما اشوف خصوصاً اني مالبست النظاره
مشّي .. مشّي .. لاتدقق
واقول له ( والله .. يمكن اني ماركزت وتعرف نازل ركض )
لازم تساعد خلق الله انهم يمخرجون يعني سهّل لهم مخارجهم
.
وتحمست ل سالفة المسابقه وكل يوم ابلش امه
ي ً مهزوم ي ُ فـاشل .. اص اص ي ً زلابه لك وجه تتكلم ؟ !!
لاتشارك ان كنت منت ب قوي زيي ههههههههههه !!
ويجيني الجدول ويوريني وطلع فايز وطلع وجهي هذا كبرهـ ( )

وطلع فيه تحدي اذكر هـ التحدي اليوم وكل يوم
كنّا جالسين في الملحق نناظر مباراة ( الهلال والتعاون )

كان يسولف عن البطوله وكذا وغلط وقال اسم اللي معي ( علي )
وانا انهبل واقوم وقف وقف على كيفك صار علي ؟

وهو يناظر ( وش يبي ذا ) ؟
ويتكلم ي ً ابن الاوادم انا اللي اكتب الجدول بعد كل مباراه

وانا اتكلم معليش تكتب ماتكتب مهيب مشكلتي ذي
لكن انا بعد اعرف أقرأ < يلعن ام الهياط اللي فيني

وقال شف شف طول عمرك ( مهايطي وعبيط )
وانا اناظرهـ عبيط في كل شي لكن ذي متأكد منها !!

قال انت وش تقول اسمه انا ب كل اريحيه وب نظرة ثقه اسمه ( عادل )
وقال شف من ايش طيب ؟ اناظره من اللي تبي ي ً شششيخ
وقال شف من اعلان ل المُنتدى
.
قلت من اعلان من اعلان وان ماطلع علي
وش لي انا طيب ؟ قال اعلان قلت لا اعلان منيب مستفيد منه انا !!
ومدري وش صار وانتهت الجلسه وكذا

وارجع ل البيت ويرسل لي الجدول وحاط اكبر ( ههههههههه ) في العالم
وعندي الرساله ب الخاص الى الحين

واجي واناظرهـ جدولك ي ً حبيبي على الكمبيوتر
اللي في الكليه معلق ب خط اليد تفرق ي خوي

لازلت عبييييييييييييييط .. لازلت مُصر ان اسمه ( عادل )
واروح بكرهـ ل الكليه من زود القهر مع اني داخل متأخر
الا بلاش امها محاضرهـ رايح اشوف الجدول
واناظر مكتوب ( علي ) وعز الله ورحنـا وطي

ويجي واحد من اخوياهـ وبرضوه يتحداهـ ان اسمه ( عادل )
ف اتفقنا ان خطه سقيم وطالع كأنه ( عادل )

وحتى الحين ساحب عليه وماسويت اعلان
المُهم ماعلينـا ..

.
هذا الاعلان اللي ملا الكُليه ملي
في كل محل حتى ل درجة احس انها بيطقون هـ الاعلان
قدام مكتب العمييد
مٌهب مٌهم الاعلان المٌهم من اللي مصممه ؟
من قال انه إبراهيم من قـال ؟
والله اللي ابطت اصلح اي شي ل الكليه يحمدون ربهم اني اداوم عندهم
قال ايش قال ( اللجان الطلابيه ) يصير خير
والله يكثر من امثال ابراهيم
ما انتبهت الا بعدين ان هو مصممه وكانت مكتوبه ( الحقوق ) وشلت امها
تعرفون شعب مايهتم ب حقوق خلق الله مافيه الا قوة ( شششيل )
عاد انا ب الذات شي اسمه حقوق ما اعترف به




ودارت الايام والليالي وكل يوم يجي على اللي قبله ويمحيه ويشيله
واسبوع ورى اسبوع والاخ ( تطنيش ) مفهي !!



إلين ماجاء ذاك الاسبوع واللي هو ( النهائي )
وانا طالع وهو داخل , واشوفه جاي متحمس
يلعن ام الحماس اللي نازل عليك ي ً ابراهيم والساعه 12 الظهر !!
ويقول النهائي اليوم تشوفه ؟ قلت الساعه كم
قال ( 12 الظهر ) ل حالك ي ً حبيبي العب ي ً ششيخ
.
ولعب وجاب البطوله , عادي عادي جابها !!
مُعلمهم ومُدرسهم خلفهم !!



نجي ل الفاينال , اربطوا الاحزمـه ..



.
بسم الله الرحمن الرحيم ..
في مباراة لاتعرف إلا ( بطل واحد )
في مباراة لا يوجد بها ( اكثر من بطل )
في مباراة تجمع بين ( ريال مدريد الاسباني )
ب قيادة اللاعبين : علي وعبدالعزيز
و ( برشلونه الاسباني )
والجمهور يصوت : ( فيسكا بارسسسا إنتي مدريد )
ب قيادة اللاعبين : إبراهيم و عادل



نجي ل سيناريو المباراة : )
يمين ب الله ينفع هـ السيناريو يطلع في فيلم ولا مُسلسل
شي عجيب ي ً جماعة ماقد شفت ( دراما ) اكثر من كِذا !!



.
طيب طيب قبل مانبدا وش رايكم نرفع روسنا ل اعلى نقطه ونعطيكم صورهـ
ل الجمهور الكبير , اللي نصه مفهي ومايدري وش السالفه




.
انسسسوهم كل ابوهم مانبيهم مانبيهم
هـاتوا لنا هـ ( الاصفر ) هـاتوا لنـا ( الذهب )
يلعن ام الحمـاس اللي ب يجيك وانت تلعب وتشوف هـ الكاس
ب تجيك طاقه غير طبيعه كل ماشفت الكاس تقول
: ( مهب وقت الهزيمة ابد )






.



وهِنـا دخلوا اللاعبين وزي ما انتم شايفين
وحماس اللي ماسكين ( اليدين ) اكثرر واكثرررر
يعني لوهـا في ملحق ممكن تنافخ ممكن تنطل اليد ممكن تهايط
لكن هِنـا مُستحيل لازم تضبط اعصابك وغصب عليك تضبطها







نجي ل السسسيناريو الحلم , نجي ل السيناريو الغير منطقي ابد



بدت المباراة ما امداهم يقولون ( بسم الله الرحمن الرحيم )
قبل مانتكلم عن المباراة خلونا نشوف اشكال الحلوين







في الدقيقه ( 2 ) يسسسجل إبراهيم وعادل هدف ويهتز المُدرج
( العين تدمع والكاس يلمع ) ..





هِنـا الكل توقع وقال يلعن ام ( السبك ) اللي يباريهم
تتوقع ينهونها نظام ؟ ماهو النظام ؟
النظام هو ان تنهزم ب فارق 4 اهداف
ب حيث انك تستحي على وجهك وتنزل اليد
.
في الدقيقه ( 31 ) يسجلون هدف التعادل
وروح ي ً المرينغي , روووووح !!



وقبل ماينتهي الشوط يسجلون عيال ( المرينغي )
هدف الفوز وقلبوها على ( ابراهيم وخويه عادل )




.
ي ً ليتها وقفت على كذا في الدقيقه 72
يسسجل المرينغي الهدف الثالث !!



وينفس اخونا في الله ابراهيم ويحط ( 4 ) هجوم
وفي خلال 5 دقايق , في الدقيقة 77 عادلوهـم !!






وراحوا ل الاشواط الاضافيه والكل قـامط : )
وتعرفون انتم ان اسمج شريط في البلنتيات هـ الشريط
لادرجة ان يضيق صدورنا ان جانا بلنتي



.
ب حيث ابراهيم يشوت وخويه عادل يصد
وسجل ابراهيم الخمس وخويه اظاهر انه
( نسى عمره انه حارس ) وصدهـا



وفازوا ب ( اللقب ) ل سنة قدام هم الابطال !!



.
ب الاشواط الاصليه ولا الترجيح
ابراهيم وعادل فازو ب المختصر الصريح





في احضان الٌكليه , توجوا ب الكاس الذهبيه
ب دراما غريبه .. ردد الكٌل ( اجيبه يعني اجيبه )








.



منيب قايل ي ً زينك ي ً ابراهيم وي ً ملحك
لا والله كِذا ب كذب عليك والكذب مايجوز ولا ؟
ي ً زين هـ الكاس تكفى






اليد تثبت الانجاز , يكفيك قولة ( فاز والله فاز )
تستاهلك انت البطوله لك بنفسها جت




وهـ الكاس طار ل ملحق ابراهيم



.






وهـ الجدول حجه وتبيين انهم فازو
وتشوفون كيف كانت البطوله صعبه مررره



,




لو بتكلم من الحين ل بكرهـ ب عجز عن وصف هـ المباراه ..

لو ب بارك من هنا ل البطوله الجايه ما راح يوفيكم حقكم ..

موضوع اهداء بسيط ل ( بطلنـا ) و يستاهل اكثر ..







طبعاً هـ الموضوع مايكفي ابد ك مٌباركه له

وغير مُنصف ع الاطلاق , ل ابتعد عن الاجحاف





.


رٌبما جرت العادهـ بإن هو من يٌقلّد الاشخاص ( اوسمتهم )

ولكن هٌنـا انا سٌ أٌقلدهـ ( وِسام ) ل الذكرى







,





تستاهلك

ΤБήіЅΗ غير متواجد حالياً   رد مع اقتباس
قديم 02-27-2011, 10:51 PM   #2
مسّفهل
E B R A
 
الصورة الرمزية مسّفهل
افتراضي رد: : $

يالبيييه بعـد ..
يرحم امك حـط رآبط المنتدى على صـورك , لهدرجـة ما مـلى عيـنك الرآبط ..
مسّفهل غير متواجد حالياً   رد مع اقتباس
قديم 02-27-2011, 11:04 PM   #3
ΤБήіЅΗ
يً رب .. :s

 
الصورة الرمزية ΤБήіЅΗ
افتراضي رد: : $

ي ً خي مشوار .. في الجايات ان شاء الله بحطها ..
ΤБήіЅΗ غير متواجد حالياً   رد مع اقتباس
قديم 02-28-2011, 09:53 PM   #4
ΤБήіЅΗ
يً رب .. :s

 
الصورة الرمزية ΤБήіЅΗ
افتراضي رد: : $

ل التنويه .. تراني حاط الصور على حسابي في الفور شيرد
لان مارضى ابد يحمل المركز
ΤБήіЅΗ غير متواجد حالياً   رد مع اقتباس
قديم 02-28-2011, 10:08 PM   #5
مسّفهل
E B R A
 
الصورة الرمزية مسّفهل
افتراضي رد: : $

بعد قلبي وراك ما حطيت صـورة النتيجة يوم انها 3 -1 والدقيقة 73 , وعقبهـا صارت 3 -3 الدقيقة 77 , هذي الزبـدة ..
مسّفهل غير متواجد حالياً   رد مع اقتباس
قديم 02-28-2011, 10:12 PM   #6
ΤБήіЅΗ
يً رب .. :s

 
الصورة الرمزية ΤБήіЅΗ
افتراضي رد: : $

جالسين نحط اهم شي وجيهكم كذا امرها تمام ..
ΤБήіЅΗ غير متواجد حالياً   رد مع اقتباس
قديم 02-28-2011, 10:13 PM   #7
مسّفهل
E B R A
 
الصورة الرمزية مسّفهل
افتراضي رد: : $

اقول آخر صورة ما وخرت كلية الصيدلة الله يرجك ..
مسّفهل غير متواجد حالياً   رد مع اقتباس
قديم 02-28-2011, 10:16 PM   #8
ΤБήіЅΗ
يً رب .. :s

 
الصورة الرمزية ΤБήіЅΗ
افتراضي رد: : $

ههههههههههههههههههه ي فاهوتي
ΤБήіЅΗ غير متواجد حالياً   رد مع اقتباس
قديم 03-01-2011, 01:33 AM   #9
مسّفهل
E B R A
 
الصورة الرمزية مسّفهل
افتراضي رد: : $

بعـد قلبي , نآقصـه بس تحـط الصـورة وتحـاول تكبرهـا وتوضحها حقت نتيجـة 3 - 1 في الدقيقة 72 ..
واكتب اني مسوي الاعـلان , سولـي دعآية ..
مسّفهل غير متواجد حالياً   رد مع اقتباس
قديم 03-01-2011, 07:36 PM   #10
ΤБήіЅΗ
يً رب .. :s

 
الصورة الرمزية ΤБήіЅΗ
افتراضي رد: : $

نتيجة 3 -1 مهيب عندي ان كانت عندك هـاتها ..
ΤБήіЅΗ غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
$


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:48 PM.


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir