الرئيسية التسجيل التحكم اتصل بنا التحميل الخروج
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك















منتديات مكسام


بيت القصيد | كلمات الاغاني | ابيات شعرية للقصـائد والاشعـار والخوآطر .. وفي مكسام بتتعب وتحتـار

الإهداءات
عبدالله من K.S.A : كل عام وأنتم بخير .. مكسام 1438 هـ / 2017     بدون عنوان من الرياض : اشتقنا لكم كل عام وانتم بخير ... رمضان 24 / 1438     من أنا؟ من ،، : صباح الخير ،، وش أخباركم ،، ماتوقعت أنه فيه أحد داخل     جني متحني من بوبوديولاسو :     ™кәήąi من الرياض : السلام عليكم، إن شاء الله انكم بخير وين ما كنتم، ممتنه لكم جميعًا، في هالمكان تشكّل جزء كبييير من شخصيتي و لكم الفضل بعد الله في ذلك ...     مُجرد طيف من :( : مبارك عليكم الشهر يا اجمل صحبه وأجمل فتره :(     خبآطش من :( : مبارك عليكم الشهر.. انا احبكم     الحلم الكبير من غرفتي : ‏مبارك عليكم شهر رمضان، و اسأل الله أن يتقبل منا ومنكم صالح الأعمال ، و يجعلنا من صوامه و قوامه     من أنا؟ من ،، : مبارك عليكم الشهر أنا ودي أرجع بس مب راضي يدخلني     S O M A H من الصاله : مبارك عليكم الشهر ، ويالله اصملوا فيه رجعه ومسابقه ولا لا     مسّفهل من : إذا واجهتكم أي مشكلة بتسجيل الدخول ، راسلونا على الايميل mksam.com@gmail.com     مُجرد طيف من الخبر : خلاص ارجعو!! ترا دايما ادخل اشيّك !! بسوي مسابقه ارجعو : (     جفووون من الملحق : نبي نررررررجع تكفووووون     جفووون من الرياض : قسم بالله ادخل وتخنقني العبره واطلع     مُجرد طيف من :( : اي نبي نرجع     مسّفهل من منسدح في البخشة : حيا الله شعب مكسام العظيم ، قريت الكومينتات وحسيت بكل كلمة كتبتوها ، اشتقنا لايام مكسام ، ودكم نرجع ؟ ..     الحلم الكبير من ☆ : اشتقتلكم وقسم     همـ شوق ـسة من امريكا : الشهادة لله انتم وحشتوني كل عام وانتم بخيير، رمضان كريم     معآتب من بعيد ! : السلام عليكم .. يا هي أيام عشناها هنا ما تنسي .. إن شاء الله الكلّ بخير يا رب وحقّق حلمه !     خبآطش من : شعور غريب.. كانت ايام جميلة.. كانت حياة اخرى نعيشها هنا.. احبكم كللبوكم    

إضافة رد
 
أدوات الموضوع انواع عرض الموضوع
قديم 04-17-2011, 12:54 AM   #1
яαωαη

 
الصورة الرمزية яαωαη
Sonrojado | مشاركة | شبيه الريح ..عبد الرحمن بن مساعد ..















ر
яαωαη غير متواجد حالياً   رد مع اقتباس
قديم 04-17-2011, 12:55 AM   #2
яαωαη

 
الصورة الرمزية яαωαη
افتراضي رد: | مشاركة | شبيه الريح ..عبد الرحمن بن مساعد ..







الأمير عبد الرحمن بن مساعد بن عبد العزيز آل سعود
ولد في باريس عام 18-8-1967م الموافق 12-6-1387هـ
أمه لبنانية الأصل
شقيقه الوحيد عبد الله
متزوج الاميره البندري بنت هذلول بن عبد العزيز وله 3 بنات




رئيس نادي الهلال الحالي وحقق مع الهلال أربع بطولات والخامسه في الطريق ان شاء الله هي:
  • الدوري السعودي: 2009-2010
  • كأس ولي العهد السعودي: 2009، 2010
  • كاس ولي العهد 2010 - 2011
له العديد من الامسيات الشعريه أولها كان بدولة البحرين ،
الأمسية الشعرية الأولى بالمملكة لصاحب السمو الملكي الأمير عبد الرحمن بن مساعد والتي أقيمت في جدة عام 1999م.

яαωαη غير متواجد حالياً   رد مع اقتباس
قديم 04-17-2011, 12:58 AM   #3
яαωαη

 
الصورة الرمزية яαωαη
افتراضي رد: | مشاركة | شبيه الريح ..عبد الرحمن بن مساعد ..






أجهلك ،، ولي سنين أتخيلك
أتمثــلك في كل طيف
والقاك في قسمات ضيف
كل المشاعر تقول له :
حنا هلك

أجهلك ولي سنين اتخيلك
القاك ،، في بعض الوجيه
ويمرني طيفك ،، وأجيه
يا باكر اللي أجهله ،، أرهقتني الأسئله
وأبطى العمر ،، يستعجلك
بالعيوب و بالمزايا ،، بالألم
لامن هجرتي
يجتاحبي ضلوعي وحنايا
أتخيل شكوكك وضنك
اتخيل التقصير منك
حتى الجفى ،، أتخيله
وكيف انا ما اتحمله ،، وأتحملك
وجهلك اللي قد حبسته داخلي ،، في غمضة عيوني
واللي ياما قد رسمته ،، من عبث طيشي وجنوني



وجهلك اللي دوم يظهر ،، !!
لما ألقى نشوة الفكره الجديده داهمتني
لما القى إنكساراتي قصيدة ،، واكبتني
وجهلك اللي دووم يظهر في أعاصيري وسكوني
في الجبال الشاهقه ،، في أجمل خيالي
في السفوح الخافقه بين نبضي وإنفعالي
وجهلك اللي قد نحتّّه في عظامي والجوارح
وجهلك اللي قد حفظته وبتفاصيل الملامح
بالنهار في بسمته
بالضيا اللي في وردوده ،، بالعبوس في غضبته
بالتضاريس وحدوده
من جنونه في البها ،، لين أقصى نقطه في كاسر جماله
للعذوبه ،، من شروق النور في ضيّه
للشعر في غروبه
من شطوط الكحل في عيونك ،،، لنحرك
من بياض الثلج في خدك
لجمرٍ قاد ،، في ثغرك
وجهلك اللي ما أبد يوم لمحته ،، أو عرفته
لي سنين أتخيله ،، وأتخيلك
ياللي كلي بك معرفه ،، وأجهلك
ما أصعبك ،، كيف الاقيك
ما اسهلك لو ألاقيك
ياللي دوم أتخيلك
مملكه حسن الزمن ،، وأنا الملك






أنا ما أدري وش أحساسك

وما أدري وش تظنيني

أنا الصادق في عينك كنت

وصرت الكاذب الخوان

أنا أخطيت ما أنكر

ولا في عذر يكفيني

سوى أني احبك حيل

وأني دائما أنسان

انا أدري بمدى جرحك

و أدري الحظ جافيني

يطول الوقت ما أخطي

واذا أخطيت كل شيٍ بان

أنا شفت الزهر مايل

وظنيته يناديني

قطفته ... يوم ضميته لقيته للأسف ذبلان

عرفت أنك زهر عمري

عرفت انك بساتيني

وغيرك قيظ ما يروي

سراب يسقي العطشان

أنا لو ما حصل ما كان

وش اللي يدريني

بأنك ما سواك انتي

سكنتي القلب والوجدان؟

أنا آسف على أعذاري

عجزت القى عذر فيني

يليق بغلطتي في حقك

و يرجع كل شئ كان

أحبك كثر أخطائي

و أدري أنك تحبيني

و أدري لو تفارقنا

فلا نقدر على النسيان

اذا تقوي على فراقي وبعدي عنك

خليني

انا ملّيت من دور الكرامه و لعبة الغفران

قليل العمر ياللي انتي دموعك ماتساويني

حرام انه يضيع فراق

هي من قلها الأحزان..!!







على مدي الأيام
كان البحر بالنسبة لي
هو البحر
رمل ،، ، أمواج ،، صخر
كان البحر بالنسبة لي،، بس البحر
وعلى مدى الأيام ماقد لمس فيني المشاعر
الا ذاك اليوم
يوم انك معي
يومها كان الوداع
وكان البحر،، دفتر
والموج بيت من شعر
وبيتٍ ورى بيت ،، موجه ورى موجه



تكتب قصيدة حبنا
وتمحي الجراح ،، بجراح
ومثل الفرح في دنيتي ،، كان الفجر
عمره قصير
وبكل حب اهدا نسيمه ،، وراح
وتشرق الشمس
لاجل الخلايق كلها تقرا ،، قصيدة حبنا

يومها ،، ماكان للشمس أي نور
وبعض السبب ،، كان الوداع
وباقي السبب ،، انتي
خذيتي من سماها النور
ولاجل الصدق يومها،، كنتي انتي الشمس
وكان البحر عينك
ودموعك امواج الشعر
وخدك الدفتر
آه يا اللقى ،، ماخذت من طبع البحر،،؟
ما للبحر آخر،،!!
آه يالفراق
ماخذت من ذوق الفجر ،،؟
يمرنا عابر
وآه يالعيون ،، اللى انا منها عرفت
ان البحر دفتر،،، وان القصيد امواج
وان الغرام ،، شاعر







قلتيلي انسى
ومن يومها وانا كل ليلة .. قدامي البرواز
حبر العيون ودمع القلم .. في دفتري
وصورتك .. رغم الألم .. ورغم انها خذت من اطباعك كثير
وخانت البرواز .. اشوفها في خاطري
حبيبتي مابيدي حيلة
لاصرتي الصورة .. وعيوني البرواز
وشلون ابنسى
***********
اتعبتي الصورة مشاوير
وتعبت انا بلقى لغدرك معاذير
وصورتك اللي سجنت بروازها طول السنين ..
كانت جسد وبروازها الروح
ويوم انزعت منها الجسد .. تجرّحت اطرافها
وبجروحها راحت لمين ؟
لبروازها الثاني !!
مسكين .. بيسجنك ويبقى سجين
مسكين
تشبهلك اقداره .. خانته
وصورتك يجي يوم وتخونه
حبيبتي ..أو للأسف حبيبته
لاصرتي الصورة .. وجفونه البرواز
وشلون ينسى ؟!
***********
حبيبتي لجل انسى جرحك واستريح .. ببكي
وبعد البكى .. ببكي
وأكيد فيه لحظة بتجي .. وبيجف دمعي
وعندها صورتك اللي في عيوني
بتموت من ظلم العطش ..
بروازها بيصبح نعش
وبتمرني الدمعة الأخيرة ... تاخذ معاها صورتك وتطيح
وكني بالمسافة تطول مابين عيني .. ودمعتي .. وخدي
وكني بقلبي الحاير المسكين
نبضه يقول لا تودع الفرقى .. الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني .. واكسر البرواز
وانسى





احترامي.. للحرامي
صاحب المجد العصامي
صبر مع حنكة وحيطة
وابتدا بسرقة بسيطة
وبعدها سرقة بسيطة
وبعدها تَعدى محيطه
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
صاحب النفس العفيفة
صاحب اليد النظيفة
جاب هالثروة المخيفة
من معاشه في الوظيفة
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي
احترامي.. للحرامي
احترامي.. للحرامي
صاحب المجد العصامي
يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي
احترامي.. للحرامي
احترامي.. للحرامي
صاحب المجد العصامي
صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي
احترامي.. للحرامي
احترامي للنكوص
عن قوانين ونصوص
احترامي للفساد
وأكل أموال العباد
والجشع والازدياد
والتحول في البلاد
من عمومي للخصوص
احترامي
للصوص




..بهو فندق
..بلد غربي
..في فصل الصيف
..على ميعاد أو صدفة
..جمع أجناس مختلفة
..ولافيهم أحد وافق
..أحد ثاني
..على تعريف للمنطق
..بهو فندق.. فيه الناس مكتظة
..فخامة تكسي الجنبات
..نادل يحمل الطلبات
..على أواني من فضة
..هنا تجار يحكوا أسهم وسندات
..هنا سمسار
..هنا شاعر.. هنا بنيّات
..هنا فلكي
هنا صاحب سمو حركي
..هنا لاعب كرة بارع
..هنا فنان.. هنا متعهد السهرات
..هنا يحكوا عن الأوضة!.. هنا يحكوا عن الموضة
..!!هنا يحكوا عن السادات
..وبركنٍ ماهو للصفوة
..بجنب الباب
..كرسيين.. حوار يدور بين اثنين
..حيل أصحاب
..ملامحهم تودّي يمّ.. شرق أوسط
..وهيئتهم.. وحالتهم.. بسيطة أو بعد أبسط
شف سايح من اليابان.. يداعب آلة التصوير -
..يغازل آلة التصوير
سايح هذا يا غلبان ؟ -
..هذا السايح البارح
..كانت صورته تحكي
..في صدر الصفحة الأولى
..يقولوا خامس أغنى شخص في العالم
..وأظن أنّه .. وربي وحده العالم
..جمع هالمال والثروة
..من استيراد أو تصدير
..نسى الكاميرا على الكرسي
لا يا شيخ.. مثل هاذول.. ما ينسوا -
صدقني نسى الكاميرا على الكرسي -
..لا والله.. رجع خذها
ظنك وين هو رايح؟ -
..أكيد يزور له متحف
..سخيف
..!هوايته أسخف
..شفه.. مستني يمّ الباب
وش ينظر -
!أظنه ينتظر تكسي
..!ركب تكسي
..أقول عدنان: فاخر حيل هالفنجان
..خذ شايك قبل يبرد
أقول أحمد: هذاك هناك.. هو من هو..؟ -
..أي واحد -
..! هذاك اللي معه واجد -
..تخطرف إنت.. أو عميان
..هذاك فلان
..هذاك اللي كلامه منتهى الحكمة
..وجوده مثل غيث السحب
..هذاك اللي لأجله ترخص أيامك
..وتقضي النحب
هذاك اللي يهينك وانت تتلقى
..إهاناته بصدرٍ رحب
..هذاك اللي شعورك نحوه مبيّن
..مزيج من الولا والحب
..هذاك اللي إذا لا قدّر الله راح
..يغطي حزنك الدنيا
!!......وتهمس.. راح ابن الكلب
كذا يا أحمد..؟
شايفني أنا.. منافق
..أنا مسمح ولا أوافق
..تظن إني بقلب أسود
..كذا يا أحمد-
..لا تزعل.. أنا آسف.. أنا آسف
..ترى الدعوة سوالف
..شف هذا خفيّف دم
..يضحك هذا .. من هذا
..خفيّف دم
..! ويعطونه
يعطونه..؟ -
..يعطونه -
..ويرجع باكر لهذا.. يقطع ذاك
..يشرشح أصله وفصله.. بخفة دم
ويعطونه..؟.. -
..! يعطونه -
..ويرجع بالأخير.. ضاحك على هذا وعلى هذا
أقول أحمد: ظنك هو رصيده كم..؟! -
..دقيقة صمت.. فرضها جيّة النادل
..يشيل الشاي
..!ويقول إنّ العصير.. اللي يبونه لحظتين.. وجاي
..شف الشاعر -
..هذيك الحلوة تضحك له
أي واحد..؟ -
..شفه واقف.. يوقع دفتر لطفلة -
..تخيّل ياخي يقولوا
..بإنه يشتري شعره من الشاعر
..! اللي الشاعر المشهور يكتب له
..ياحظه.. وسيم مشهور
..ياليتي أكون مثله -
..قوم نتصور معه
قوم نتصور معه..؟! -
..ما باقي سوى هاذي
..نكبر راس هالمغرور
..خفيف أنت.. وغبي أحمد
..ودايم فيك هالعلة
..أقول عدنان -
..ترى صاير طويل لسان
..أحمد ياخي لا تزعل.. ترانا اخوان
تعوّذ بس من الشيطان..؟
..وأنا آسف.. وترى الدعوة سوالف
..فخمة حيل هالكيسان
..اشرب.. لا تزودها
..ترى يبيّن عليك تعبان
..شف مو هاذي صاحبتك
..هلا والله.. إلاّ والله صاحبتي
..تدري..؟ تموت هي فيني
..يا رجال.. خليني -
..خادعتك.. تراها والله خادعتك
..أقول أحمد: عشان انسرقت فلوسك-
..من زبيدة
..صرت تشوف كل وحدة
..هي زبيدة
..يا عدنان.. خادعتك -
..أنا قصدي لمصلحتك
..شفها تكلم الرجّال
..أي رجّال.. أخوها ذاك
..يا عدنان.. خادعتك
..أقولك ما تبي غيري
..يا عدنان.. طع شوري -
..مشاعرها.. وهم.. كذبة
..حمد .. احترم نفسك -
..افا عدنان.. تمد يدك علي -
..وهذي السبّة
..صفعه دوّت بركنٍ
..قريبٍ من هل الصفوة
..عراكٍ في بهو فندق
..جمع أجناس مختلفة
..مافيهم أحد وافق. أحد ثاني
..على تعريف للمنطق
خارج صالة الفندق.. شرطيين
..يقودوا بالحديد اثنين
ملامحهم تودّي. يمّ شرق أوسط
..وهيئتهم.. بسيطة أوبعد أبسط
..كانوا أصحاب
..في داخل
..بهو فندق .. بلد غربي
..في فصل الصيف
яαωαη غير متواجد حالياً   رد مع اقتباس
قديم 04-17-2011, 12:58 AM   #4
яαωαη

 
الصورة الرمزية яαωαη
افتراضي رد: | مشاركة | شبيه الريح ..عبد الرحمن بن مساعد ..






فقير وعندي المال الكثير ..

فقير وملبسي غالي حرير ..

وياصاحبي الحافي الفقير ..

ابنشدك ابسئلك وشهو الحصير ..

وابسئلك وشلون انا امر وانهي ..

واذا حكيت قبل انتهي من كلمتي ..

يقاللي سم ويصير ..

ولاشكيت من غفلتي طول زمنها ..

يقاللي لاتشتكي ماخلقت الشكوى لأمير ..

وابسئلك وشلون انا مع كل ذا ..

!!!اقول عن نفسي فقير؟؟؟ ..

ياصاحبي لاصار لضحكه ثمن ..

وصارو اصحابي كثيربس بثمن ..

والوفاء مابه وفاء الا بثمن ..

ابسئلك ماني فقير ؟؟؟ ..

ولاصارت اقوالي حكم ..

ولاقالها غيري غدت .. حكي قديم ..

ابسئلك ماني فقير؟؟ ..

ولاصرت انا مانيب انا ..

ولاغلطت قالو صحيح وكل شي اعمله يصبح عظيم ..

ابسئلك ياصاحبي ماني فقير؟ ..

وياصاحبي ابنشدك لمن جفتني دنيتي ..

وابتدا الدرب الطويل الى ابد ماينتهي ..

وانتهي العز القديم وماكنت اظنه ينتهي ..

والموت بدد فرحتي .. وحطوني في قبر صغير ..

وحزنو علي وبكو هلي وناس من ربعي قليل ..

وارتاح من وجهي كثير ..

وبقيت وحدي في حيرتي مابه احد ..

لاطال عمرك ولاتحت امرك ..

ماغير انا وخوف ولحد وحساب قدامي عسير ..

وقتها ذكرت اني من زمان ..

يوم انه امهلني الزمان ..

هذا ظلمت هذا جرحت ياما كذبت ..

وذنوبي ماتحصي كثير ..

وقتها الا ندمت ونفسي كرهت ..

عرفت ان الله كبير وان الهلاك اصبح اكيد ..

واني انا مالي رجاء..ولاهروب من الدجاء ..

من الجحيم الا بأمل عندي وحيد ..

ان الله غفار ورحيم ..

ابسئلك ياصاحبي عني في وقتها ..

ماني فقير؟؟ ..





ارفع حجر تلقى مُغني ... اكتب شطر تصير شاعر
اكسب صحافة .. تصير سيّد للثقافة
جميل هذا الوقت مُحبط

اكتب بما يرضي ضميرك .. تصير حاقد
اشتم بحدة .. تصير ناقد
نافق بشدة .. يصير مستقبلك واعد
جميل هذا الوقت مُحبط

اسرق رغيفين .. تصير المجرم السارق
اسرق ملايين .. تصير الماجد الحاذق
جميل هذا الوقت مُحبط

اشرب على وقت العشا .. كاسة نبيذ
واسمع لشوبان .. وارقص الفالس .. تصير متحضر
اطلق اللحية ورتل القرآن وصل الخمس .. تصير إرهابي
جميل هذا الوقت مُحبط

اجرح يهودي .. تقوم هالدنيا وتقعد
اهتك اعراض .. ثكّل يتامى .. شيل بيت وامحي مسجد ... تنوم هالدنيا وتسكت
جميل هذا الوقت مُحبط

عيش هالعمر الوسيع .. وبعد ماتحياه موت
عيشوا هالعمر الوسيع .. وموتوا
الوعد يوم الوعيد .. يوم تنسى الام الطفل الرضيع
عظيم ذاك الوقت .. منصف






ســـــألـــــتــــــهــــــا ..
لـيــة الـبـحـر سـاكــن عـيـونــك ؟!
جــاوبــتــنــي .. لـــلـــغـــرق
ســـــألـــــتــــــهــــــا ..
لـيـه الـسـواد الـلـي فـــي عـيـونـك ؟!
جــاوبــتــنــي .. لـــــــــلأرق
ســـــألـــــتــــــهــــــا ..
لـــــيـــــه الـــــخـــــدود ؟
قـــــالـــــت .. عـــــبـــــق
ســـــألـــــتــــــهــــــا ..
هـي رقـتـك مـثـل النسـايـم والــورود ؟!
قـالـتــلــي .. لا .. يــمــكـــن أرق
ســـــألـــــتــــــهــــــا ..
عن حسنها كنّه يقول : ما للشعـر فينـي حـدود؟!
قــــالـــــت .. صــــــــــدق
ســـــألـــــتــــــهــــــا ..
يــا اغـلـى الأنــام .. وشـهـو الـغـرام ؟!
قالتلي .. انك ماتنام .. وأوهام .. وتنتظر شمس اللقا
ومـاتــجــي شـــمـــس الــلــقــا
مشوار مايعرف وصول .. ولحظة بها كل الفصـول
وقلـب واحـد يحتـرق .. وبـعـض الـصـدق
وقــتٍ عصـيـب يتبـعـه وقــتٍ عصـيـب
ولــيـــل يـتــعــدى الـصــبــاح ..
وجـــراح تــدمــى لــــو تـطـيــب
وفـــــــــي الأخـــــيـــــر ..
خــــل عــــن خــــل افــتـــرق
فــي الأخـيـر .. كــل النهـايـات الـفـراق
مـــافـــيـــه فــــــــــرص ..
مافيه نهايات بلقـا .. إلا فـي خيـالات القصـص
ســـــألـــــتــــــهــــــا ..
وشــــهـــــو الـــــوفـــــا ؟!
قــــالـــــت .. كــــفـــــى ..
الـنــور مــــن ضــيــي اخـتـفــى
والـلـيـل فــــي عـيـونــي غــفــى
اتـــــرك كـثــيــر الأسـئــلــة ..
اســـأل عــــن عـيـونــي وكــفــى
اسألنـي .. ليـه البـحـر سـاكـن عيـونـك ..
لـيـه الـسـواد الـلــي فـــي عـيـونـك
ســـــألـــــتــــــهــــــا ..
جـاوبـتـنـي .. لـلـغــرق .. لــــلأرق
سألتها عن حسنها كنه يقول : ما للشعر فيني حدود ؟!
قــــالـــــت .. صــــــــــدق





ما غدا للوقت معنى .. مابقى للشعر دافع
ملّت الآمي حروفي .. ومل صدري من iiالضلوع
غصت في أعماق روحي .. خذت نبض من الشوارع
يمكن ألقى أي معنى يوقد لشعري الشموع
صرت اراقب كل ومضة .. وارخي للهمس iiالمسامع
واحتري قلوبٍ تسافر من قساها iiللخشوع
ألتقيت الظلم لذة في البشر والعدل ضايع
وألتقيت من المشاعر كل صنف وكل iiنوع
به قلوبٍ ياهي تشقى لو يبات الحقد iiجايع
وبه قلوبٍ لوهي تقوى مابقى في الدنيا iiجوع
وبه عيون في هدبها تسكن الآم iiومواجع
ومن سواد اليأس فيها ماقوت تذرف iiدموع
به فقر مُدقع يبكي وبه غنا فاحش iiورائع
به بخل ظاهر وشامل به كرم لكن iiقنوع
به بشر ينسى صلفها ان كل من راح iiراجع
وبه بشر تنطر اجلها ترتجي ذاك iiالرجوع
به مسلي طول ليلة كل ما مولاه iiمانع
وبه مصلي ذاب ليله في سجوده iiوالركوع
به كساد و به فساد و به طموح وبه مطامع
به بطالة به سفالة به مخادع iiومخدوع
به اسى غطـّى الحناجر به كدر قضّى iiالمضاجع
به هروبٍ للتطرف والا لغياب iiوهجوع
به دجل يملا الحواري به كذوب ٍ في iiالجوامع
طوّل اللحية لسلطة ماهو سنة والا iiطوع
به نفاق وفاق حده مالقى في الناس iiرادع
به صدق موجود لكن مهمل وماله iiشيوع
به شعوبٍ ضاع املها تكره الفعل iiالمضارع
تلقى في الماضي عزاها اما حاضرها iiيلوع
به تعاسة وانتكاسة به ظلام ٍ iiمايمانع
يقتل اخر ضيّ فينا وشمسنا تنسى iiالطلوع
به كاءابة به سحابة غيثها دم iiومدامع
به مهانة واستكانة به مذلة به خضوع
به ليال ٍ ما تبالي لو تجينا iiبالفواجع
الحزن فيها مثالي واصل ٍ ماهو iiقطوع
وش بقى في العمر معنى وش بقى للشعر دافع
وكل ما سالت حروفي ضاقت بصدري iiالضلوع





قالت لي مليت..ودي بحد غيرك


جمع جروحك..لملم مشاويرك

واذا قضى صبرك..جرب صبر غيرك

لو اشغلك وعذبك طيفي..ابكي

واذا بكيت اكتب بدمعك شعر اشكي لمراسيلك

وبوعدك اذا صرخ جرحك ونادى..دمعتي تنزل عليك

بضحك على ايامي معك..واخذ على قلبي عهد مايخلص لغيرك

اعذرني..مليت



ماتبيني ملت الصدق المشاعر..يانور ايامي وسنيني اللي مضت

يالظلام اللي بيديني..مابقى فيني بقايا اتركيني

سل الحزن لغدرك خناجر ومالقاني فيني

وجرحي نادى..يامحاجر الدمع مايكفيني

ضاعت بداياتي..بقيت نهاياتي واسأل اجاباتي..هو أنا اخطيت

هو بقى في اللي بيجي ياليت..ماتت اجاباتي

قالت لي..مليت



يا اكثر جروحي الاخيرة..لو عرفتي اليوم قلب ودعك

يا آخر جروحي الكثيرة..ماعرفتي اليوم ما عاد اذكرك

وما اذكر من اللي مضى..الا غرامك والفراق

بعض اللقاء والاشتياق..

وكل الاحاسيس الصغيره

يابرد عمري وياهجيره..تخطين لو يخطر في بالك

انك في بالي كل دقيقة..وانك خيالي والحقيقة

واني احبك مهما كنتي..يابرد عمري وزمهريرة

ان كان قلتي اني فقدتك..ماصدقتي

وان كان قلتي مانسيتك..ماصدقتي

لو عرفتي مااذكر من اللي مضالي الا انتي

وما اذكر من اللي مضى الا انتي

وما اذكر الا اني بكيت

وفي ليلة مافيها وفاء..قلتيلي مليت

يا انتي اخر أولي..لاتصدقي اني نسيت



яαωαη غير متواجد حالياً   رد مع اقتباس
قديم 04-17-2011, 12:59 AM   #5
яαωαη

 
الصورة الرمزية яαωαη
افتراضي رد: | مشاركة | شبيه الريح ..عبد الرحمن بن مساعد ..

яαωαη غير متواجد حالياً   رد مع اقتباس
قديم 04-17-2011, 01:03 AM   #6
яαωαη

 
الصورة الرمزية яαωαη
افتراضي رد: | مشاركة | شبيه الريح ..عبد الرحمن بن مساعد ..











яαωαη غير متواجد حالياً   رد مع اقتباس
قديم 04-17-2011, 01:04 AM   #7
яαωαη

 
الصورة الرمزية яαωαη
افتراضي رد: | مشاركة | شبيه الريح ..عبد الرحمن بن مساعد ..




























яαωαη غير متواجد حالياً   رد مع اقتباس
قديم 04-17-2011, 01:05 AM   #8
яαωαη

 
الصورة الرمزية яαωαη
افتراضي رد: | مشاركة | شبيه الريح ..عبد الرحمن بن مساعد ..





السلاااااااام عليكم
ألف مبروك البطوله 51 لعشاق الزعيم وان شاء الله 52 والـ53 قريب
مشاركه بسيطه لشبيه الريح
مع اني ما اسمع له الا نادرا بس أحبه هالانسان

والله الله بالردود والتصويت

ما أحب المركز الثاني .. الاول أموت وأحيا به




яαωαη غير متواجد حالياً   رد مع اقتباس
قديم 04-17-2011, 09:00 PM   #9
دمووع الشووق
.::||[ مرجوج متألق ]||::.

 
الصورة الرمزية دمووع الشووق
افتراضي رد: | مشاركة | شبيه الريح ..عبد الرحمن بن مساعد ..

اقتباس:
أمه لبنانية الأصل
أما , موبْ وآضَح أبببدْ
,
أجهلك ،، ولي سنين أتخيلك

أتمثــلك في كل طيف
والقاك في قسمات ضيف
كل المشاعر تقول له :
حنا هلك
,
أنا ما أدري وش أحساسك
وما أدري وش تظنيني
أنا الصادق في عينك كنت
وصرت الكاذب الخوان
أنا أخطيت ما أنكر
ولا في عذر يكفيني
سوى أني احبك حيل
وأني دائما أنسان
-
أنا شفت الزهر مايل
ظنيته يناديني
قطفته ... يوم ضميته لقيته للأسف ذبلان
عرفت أنك زهر عمري
عرفت انك بساتيني
وغيرك قيظ ما يروي
سراب يسقي العطشان
أجهلككَ + أخطَيتْ : يجننونَ وَ بقوةة هَالشعرينْ
بَهوْ الفُندقْ : خَطيْر وَ بقوةة وَ آلله
,
ما غدا للوقت معنى .. مابقى للشعر دافع
ملّت الآمي حروفي .. ومل صدري من الضلوع
,
ماتبيني ملت الصدق المشاعر.. يانور ايامي وسنيني اللي مضت
يالظلام اللي بيديني.. مابقى فيني بقايا اتركيني
,





اللهَ لَا يَحرمنآ مَنْ هَالنعمةة , مَ لنا غيرها

إيَه وَ الله كَيفْ
,
شَاعر خَطيرْ وَ الله مَ توقعتْةة كيذآ أبدَ
بسْ ما شَاءْ الله طَلع قَدعْ
روآنيْ : موضَوعتسْ وَ آلله يَهبل , ما شَاءْ الله عليتسْ موبدِعةة
اقتباس:
ما أحب المركز الثاني .. الاول أموت وأحيا به
يَ حَلَاتْ الثقققةة
لتسْ
__________________
ثقِ بأنِك إَن فعلتِ من إْجل الله . .
و لوِ إَلقليل ِفِإَنه سيرضيِك ب إَلكثيرِ . .
فَقُل . . الحمَد لله ♥
دمووع الشووق غير متواجد حالياً   رد مع اقتباس
قديم 04-17-2011, 11:56 PM   #10
روآء الروح .~
..........

 
الصورة الرمزية روآء الروح .~
افتراضي رد: | مشاركة | شبيه الريح ..عبد الرحمن بن مساعد ..

يآ هلآ بك روآن

أولاً : لا يستهويني الشعر كثير إلا إذا صار بالفصحى ، عموماً الشعر كلّه
لكن أنا مُعجبه بشخصية هذا الرجل ذو الأخلاق الرفيعة ! ، رجل رائع الله يحفظه

تنسيق رآئع + محتوى رائع + خلفيات جميله

اقتباس:
ما أحب المركز الثاني .. الاول أموت وأحيا به
تستاهلين
روآء الروح .~ غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مشاركة , مساعد , الرحمن , الريج , بن , شبيه , عبد , |


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:56 PM.


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir